S. Messa da laud

Bild 2

La baselgia catolica sa esser actuala e viventa!

Cars parochians e caras parochianas

Bugen vi jeu dar vinavon a vus entgins patratgs pertuccond la s. Messa da laud. Cun la s. Messa da laud moderna lein nus dar a nossa regiun in’alternativa sper la s. Messa dalla dumengia.

Tgei munta per nus modern? Quei munta per nus che la musica duront la messa ei pli nova, moderna e spirtuala e che la liturgia e las oraziuns vegnan per part cumpletadas cun acustica, graficas ni elements visuals. Plinavon lein nus promover ina cultura da beinvegni cordiala, aschia che la s. Messa vegn per gronda part celebrada bilingua. Tuts nos parochians indigens, amitgs dils vitgs vischinonts e dalla Surselva, sco era ils cartents da lungatg tudestg duessan sesentir beinvegni tier nus.

Per passentar ina cuminonza viventa e cartenta ein tuts envidai mintgamai suenter il survetsch Divin tier in refrestg ella Sentupada.

Perseverei ella carezia fraterna! Buca negligi la hospitalitad,
pertgei cheutras han certins dau senza saver albiert ad aunghels.
(Hebrès 13, 1-2)

La s. Messa da laud ei ina fuorma per innovaziun spirituala.
Ella vegn celebrada mintgamai la tiarza dumengia dil meins:

Dumengia, ils 17 da schaner 2021 cun pader Paul Tobler

Dumengia, ils 21 da fevrer 2021 cun sur Sep Fidel Sievi
Dumengia, ils 21 da mars 2021 cun pader Dominikus Kraschl
Dumengia, ils 25 d’avrel 2021 cun sur Peter Aregger
Dumengia, ils 20 da matg 2021 cun sur Bronislaw Krawiec
Dumengia, ils 25 da fenadur 2021 cun sur Markus Domeisen
Dumengia, ils 26 da settember 2021 cun sur Saji Vellavoor
Dumengia, ils 14 da november 2021 cun sur Gregor Barmet
Dumengia, ils 19 da december 2021 cun sur Tomasz Piotr Drwal

mintgamai allas 18.30 uras a Laax en baselgia parochiala.

Nus selegrein fetg da seveser cun vus,
Carli Camathias, president pleiv Laax e la gruppa d’iniziants