S. Messa da laud
La Baselgia catolica sa esser actuala e viventa!
La sontga messa da laud ha liug las suandontas dumengias:
Dumengia, ils 18 da matg 2025
cun sur Saji Vellavoor da Sumvitg
Dumengia, ils 7 da settember 2025
cun plevon Hipolito Garcia Robles da S. Murezi
Dumengia, ils 9 da november 2025
cun sur Pius Betschart da Flem
Dumengia, ils 14 da december 2025
cun sur Tomasz Piotr Drwal da Trun
mintgamai allas 18.30 uras en baselgia parochiala a Laax
Cun la sontga messa da laud moderna lein nus dar a nossa regiun in’alternativa sper la messa dalla dumengia. A caschun dalla messa da laud envidein nus mintgamai plevons hospitonts dalunsch e damaneivel.
Mo tgei munta per nus modern? Per nus munta quei che la musica che vegn sunada e cantada duront la messa ei nova ed actuala e che la liturgia e las oraziuns vegnan per part cumpletadas cun acustica, graficas ni elements visuals. Plinavon lein nus promover ina cultura da beinvegni cordiala, aschia che la messa da laud vegn per gronda part celebrada bilingua. Tut nos parochians indigens, amitgs dils vitgs vischinonts e dalla Surselva, sco era ils cartents da lungatg tudestg san aschia sesentir beinvegni tier nus.
Per possibilitar ina cuminonza cartenta e viventa, ein tut ils presents envidai mintgai suenter la messa da laud ad in refrestg ella Sentupada.
Perseverei ella carezia fraterna! Buca negligi la hospitalitad,
pertgei cheutras han certins dau senza saver albiert ad aunghels.
(Hebrès 13, 1-2)
Nus selegrein da saver beneventar Vus a nossas messas da laud.
Carli Camathias, menader dil team dalla messa da laud
Vossa persuna da contact
Carli Camathias
Menader dil team dalla messa da laud
Scargar il flyer sco pdf