Nozzas

Dir GIE in a l’auter, sefidar in da l’auter, formar vinavon la relaziun cun la benedicziun da Diu.

Sche Vus giavischeis da maridar en ina dallas baselgias da Laax ni Falera cussegliein nus, da reservar ad uras la baselgia giavischada. Quei saveis Vus far cul formular da reservaziun giudem la pagina.

Cunquei ch’era pèrs d’ordeifer giavischan savens da maridar en ina da nossas baselgias, han las pleivs da Laax e Falera fixau ina contribuziun pil diever, l’organisaziun, il schubergiar e pil survetsch dalla calustra.

Nies plevon ei bugen promts dad enzinnar Vus il gi da Vossas nozzas. Secapescha ch’igl ei denton era pusseivel da dumandar in plevon enconuschent per l’enzinnada.

Sil pli baul miez onn avon las nozzas eis ei necessari da dumandar si la pleiv nua che Vus essas vegni battegiai per in attest da batten. Cun quei attest saveis Vus s’annunziar tier il plevon giavischau. Ensemen cul plevon emplenis Vus ora il document da lètg.

Per pèrs cun confessiun mischedada eis ei era pusseivel da dumandar in plevon reformau da far l’enzinnada. Quei sto denton vegnir menziunau sil document da lètg.