La baselgia catolica sa esser actuala e viventa!
Cars parochians e caras parochianas
Bugen vi jeu dar vinavon a vus entgins patratgs pertuccond la s. Messa da laud. Cun la s. Messa da laud moderna lein nus dar a nossa regiun in’alternativa sper la s. Messa dalla dumengia.
Tgei munta per nus modern? Quei munta per nus che la musica duront la messa ei pli nova, moderna e spirtuala e che la liturgia e las oraziuns vegnan per part cumpletadas cun acustica, graficas ni elements visuals. Plinavon lein nus promover ina cultura da beinvegni cordiala, aschia che la s. Messa vegn per gronda part celebrada bilingua. Tuts nos parochians indigens, amitgs dils vitgs vischinonts e dalla Surselva, sco era ils cartents da lungatg tudestg duessan sesentir beinvegni tier nus.
Perseverei ella carezia fraterna! Buca negligi la hospitalitad,
pertgei cheutras han certins dau senza saver albiert ad aunghels.
(Hebrès 13, 1-2)
La s. Messa da laud ei ina fuorma per innovaziun spirituala.
Dumengia, ils 16 da zercladur 2024 allas 10.30 uras
Survetsch divin per famiglias cun sur Bronislaw Krawiec
Dumengia, ils 11 d’uost 2024
cun sur Sajan Vattakkat da Breil
Dumengia, ils 22 da settember 2024
cun sur Pius Betschart da Flem
Dumengia, ils 17 da november 2024
cun sur Peter Aregger da Vella
Dumengia, ils 15 da december 2024
cun pader Murezi Casanova dalla claustra da Mustér
mintgamai allas 18.30 uras en baselgia parochiala a Laax
Nus selegrein fetg da seveser cun vus,
Carli Camathias, menader dalla gruppa d’iniziants