Sanaziun sochel baselgia parochiala

Preziadas parochianas, preziai parochiai

A caschun dalla davosa radunonza generala dalla pleiv ei vegniu concediu in credit da CHF 60’000.- per la sanaziun dil sochel da nossa baselgia parochiala.

Sco vus essas gia informai, festivescha nossa pleiv uonn il giubileum da 500 onns. Cunquei che las lavurs da sanaziun vid il sochel fussen buc a fin punctualmein sin la fin d’jamna festiva dils 15/16 d’uost, havein nus decidiu da stuschar la sanaziun dil sochel sin l’auter onn.

Per che nossa baselgia sepresenti il gi da fiasta en in bi vestgiu, vegn il sochel sanaus pil mument provisoricamein. Las lavurs da sanaziun definitivas entscheivan aschia l’entschatta avrel 2026 e vegnan probablamein a cuzzar tochen igl atun 2026.

Cordial engraziament per vossa capientscha,
la suprastonza dalla pleiv