Laax

Lobpreisgottesdienst

Sonntag, 18. Juni 2023 um 18.30 Uhr
mit Pfarrer Pius Betschart aus Flims

Cordial invit a nossa messa da laud cun musica nova, moderna e spirituala e cun ina liturgia ed oraziuns per part cumpletadas cun acustica, graficas ni elements visuals.

L’unfrenda va en favur digl agid da fugitivs dalla Caritas.

Nus selegrein sin in bien seveser cun vus.


Gebetsmoment mit den perlen des glaubens

Mittwoch, 21. Juni 2023 um 19.00 Uhr in der Sentupada

Ils curals da cardientscha – in bratschalet cun 18 curals da differentas grondezias, fuormas e colurs – schi gagls sco nossa veta. Mintga cural ha siu agen num e sia muntada particulara.

Jeu envidel Vus cordialmein da sepusar anavos e sesarver in techet per ruaus e silenzi. Entras meditaziun e reflexiun lein nus encurir ensemen ils curals da nossa veta. Silsuenter gudin nus da cuminonza ina ceremonia da té e caffè tut speciala.

Sin Vossa annunzia selegra: Stefanie Kälin,
telefon: 079 476 98 31 ni e-mail: casa25@kns.ch.


Voreucharistischer gottesdienst für kinder

Sonntag, 25. Juni 2023 um 10.30 in der Sentupada

Thema: Die Schöpfung

Duront la messa dalla dumengia ein ils affons dalla scoletta tochen la secunda classa envidai cordialmein al survetsch divin preeucaristic ella Sentupada.

Cars affons, nus selegrein d’astgar beneventar vus en nies miez,
Tamara e Luzi


Alpgottesdienst in nagens

Sonntag, 2. Juli 2023 um 11.00 Uhr vor den Stallungen

Der Gemischte Chor singt.

Marenda: L’ustria Stalla a Nagens ei aviarta. Tgi che preferescha da marendar ord igl agen saccados sa far quei sin las meisas sper la fontauna. La groma vegn offerida dils purs.

Viadi: Il bus a Nagens parta allas 9.20 uras ed allas 10.20 uras naven dall’anteriura fermada sper il parcadi dil lag. Il bus da retuorn parta allas 14.05 uras. Quels treis cuors vegnan offeri dalla pleiv.

Nus selegrein da celebrar cun vus il survetsch divin sut tschiel aviert e sperein da passentar ina legreivla dumengia en buna cumpignia.

En cass d’aura malguessa dat la numera da telefon 076 406 41 12 sclariment naven dallas 7.00-9.00 uras. Da maccort’aura ha la messa liug allas 10.30 uras en baselgia parochiala a Laax.


Wallfahrt der pfarrei nach Maria Bildstein, Benken

Samstag, 19. August 2023

Suenter ina liunga pausa selegrein nus da puspei astgar organisar uonn in pelegrinadi per nossas parochianas e nos parochians. Da cuminonza mein nus cul bus tochen a Maria Bildstein, Benken el cantun S. Gagl.

Suenter la guida „Vom Bildstock zur Madonna im Waldgarten“ mein nus ensemen a marenda ell’ustria „Bretzelstube“ a Benken. Allas 15.00 uras visitein nus il survetsch divin ella baselgia da Maria Bildstein. Il survetsch divin vegn celebraus dad in pader dalla claustra da St. Otmarsberg en concelebraziun cun sur Bronislaw.

Annunzias pil pelegrinadi pren la secretaria dallas pleivs bugen encunter tochen ils 21 da fenadur
per telefon: 076 406 41 12 ni per e-mail: secretariat@pleiv-laax-falera.ch.

Nus selegrein sin stedia participaziun
e sin in bi ed interessant gi en buna cumpignia.