32. dumengia ordinaria – S. Messa da laud
cun sur Pius Betschart da Flem
Dumengia, ils 9 da november 2025, 18:30 uras
Baselgia parochiala Laax
La messa da laud dil november stat dil tuttafatg en l'enzenna dalla “REDWEEK”.
La REDWEEK ei l'jamna d'oraziun e commemoraziun per cristians persequitai, iniziada da l'ovra d'agid “Kirche in Not (ACN)”. Ils 350 milliuns cristians discriminai e persequitai drovan nies agid, els drovan noss'oraziun e noss'attenziun. Perquei ha l'ovra d'agid lantschau sigl entir mund l'acziun REDWEEK, per l'emprema gada igl onn 2015. L'ovra d'agid internaziunala “Kirche in Not (ACN)” appellescha mintg'onn il november da metter per in'jamna el center ils cristians tribulai e persequitai.
Ord quei motiv vegn la baselgia da Laax era uonn puspei a glischar tgietschen duront il temps dils 15-23 da november ed aschia commemorar ils numerus cristians persequitai da quest mund.
Suenter messa envidein nus cordialmein in e scadin tier in refrestg ella Sentupada.
Nus selegrein sin in bien seveser cun vus.