Caplutta da S. Giacun

La caplutta da S. Giacun schai agl ur dalla via a Sagogn. La pintga localitad cuntegn in chor en fuorma da nischa cun treis varts. Tenor in document dils 17 d’avrel 1555 eis ella vegnida baghegiada avon „mang” (= biars) onns da Jan Clauw Pittschen. Ei savess setractar digl onn 1503, essend che quei arsal cumpara en la caplutta da Sontgaclau en connex cun gest quei num sin ina tabla cun inscripziuns.

Igl onn 1670 ha la famiglia Cabalzar regalau igl altar enramaus da duas colonnas. Il maletg digl altar – ina Sacra Conversazione – representa Nossadunna denter S. Giacun e S. Gion.

Ina gada ad onn, entuorn il di memorial da S. Giacun, ils 25 da fenadur, celebrein nus en quella caplutta la S. Messa.