Baselgia da S. Rumetg

Ina stupenta alea da gliendas ed ischals meina dil vitg tier la baselgia da S. Rumetg. Quei niebel sanctuari dil 15avel tschentaner, adattaus a moda marvigliusa alla cuntrada e sin ina grondiusa terrassa cun ina vesta singulara sur la Foppa, envida da far in paus e contemplar la baselgia e la cuntrada. La baselgia vala per ils specialists digl art per in dils pli bials ed interessants edifecis historics dalla Surselva.

Menziunaus ei quei sanctuari per l’emprema gada igl onn 1054 en in document da donaziun digl imperatur Heinrich III. Il baghetg dad oz ei vegnius consecraus ils 7 da december 1491. La tuor en stil roman tardiv deriva denton aunc dil 13avel tschentaner.

 

Duront ils meins caulds da stad celebrein nus alternativamein era cheu nos survetschs divins. La baselgia ei era fetg tschercada per festivar nozzas ni battens.

Formular d’annunzia per nozzas