Caplutta da bara

Cun il svilup da Falera ad in liug da vacanzas ei era naschius pli e pli il basegns per ina caplutta da bara. Da gliendisgis Tschuncheismas 1988 ei la caplutta moderna vegnida benedida e consecrada. La cumbinaziun da lenn e veiders en colurs creescha in’atmosfera emperneival e sacrala.

La sculptura neogotica che representa S. Giusep sin pugn da mort deriva digl anteriur altar lateral da vart dretga dalla baselgia parochiala.