Falera

Oraziun da cuminonza pils affons

Dumengia, ils 11 da fevrer 2024 allas 19.00 uras

«Mütter hoffen und beten» envida surtut mummas, denton era tut ils carstgauns che han da far cun affons, da rugar specialmein pils affons e per ils carstgauns ch’ein datier a nus. Il moviment ei da casa ella Baselgia catolica, las gruppas ein denton era aviartas per l’ecumena.

Era nus lein secoligiar cun quei moviment ed urar da cuminonza. Quei fagein nus cun urar ord il cudischet «Oraziun da cuminonza ha gronda forza» che sora Valentina ha scret per nossa pleiv. Quell’oraziun sebasa sin las oraziuns da «Mütter beten für ihre Kinder».

Oraziun da cuminonza pils affons – Mummas, babs e tuts parochians uran per tut ils affons.

Cordialmein envida
Irena Winzap


S. Messa da laud a laax

Dumengia, ils 18 da fevrer 2024 allas 18.30 uras
cun sur Bronislaw Krawiec ed ils cresmands da Falera e da Laax

L’unfrenda va en favur dalla fundaziun «Mbara Ozioma».

Cordial invit a nossa messa da laud cun musica nova, moderna e spirituala e cun ina liturgia ed oraziuns per part cumpletadas cun acustica, graficas ni elements visuals.

Ils cresmands da Falera e da Laax gidan da preparar e celebrar la messa da laud ensemen cun sur Bronislaw, lur catecheta Stefanie e cun nossa band. Il plaid da Diu stat el center da quei survetsch divin. Nus envidein vus cordialmein dad ir ensemen cun nos cresmands in tochet da lur via da preparaziun per la s. Creisma.

Per passentar ina cuminonza viventa e cartenta ein tuts envidai suenter il survetsch divin tier in refrestg ella Sentupada.

Nus selegrein sin in bien seveser cun vus.