Maletg empalont
Las duas pleivs catolicas independentas da Laax e Falera sesentan sco Baselgia parziala dall'entira Baselgia universala. En la collaboraziun ch'ei gia cundiziunada tras ils pasturs dallas olmas, sestentein nus da formar ina cuminonza cristiana activa ed aviarta che s'engascha per il beinstar digl entir pievel da Diu. Sco cartents vivin nus tenor ed ord ils principis cristians.
| Cristus ei il center da nossa cuminonza e l'eucaristica la fontauna da forza per il mintgadi. En numerus cerchels e gruppas sestentein nus da viver nossa cardientscha en nies far e demanar e da cumparter in cun l'auter nossa carezia per Jesus Cristus. |  |
En la carezia proximala, en l'oraziun ed el beinvuler vicendeivel empruein nus dad esser in per l'auter exempel, accumpignament e sustegn en tuttas situaziuns dalla veta. La veta ord la cardientscha cristiana duei caracterisar la pleiv. Biars survetschs facultativs en survetsch dils cartents vegnan adempli en la pleiv e mess en ovra per il beinstar dil pievel.