Catachetas / catachets
Per affons e giuvenils ei la scola in liug central, nua che la baselgia ei obligada entras l'instrucziun religiusa, da porscher in accumpignament atras la veta da mintgadi. L'incumbensa fundamentala dalla catechesa ei:
La sentupada dil carstgaun cun Diu, il qual ha proclamau Jesus Cristus.
Educaziun e scolaziun senza religiun muntass ch'igl affon e giuvenil vegness privaus d'ina valur essenziala per formar sia identitad. Ord quei motiv vulein nus sustener ils geniturs ella intermediaziun dalla cardientscha sco era dallas valurs humanas duront las uras da religiun en scola.
L'instrucziun da religiun intenda:
- Porscher senn ell'interpretaziun e formaziun dalla veta.
- Promover il svilup religius, etic e social.
- Animar da distinguer criticamein la realitad dalla veta.
- Intermediar la savida fundamentala dalla bibla e dalla cardientscha cristiana.
Ella catechesa vegnan ils affons e giuvenils:
- Ad emprender d'enconuscher ils cuntegns dalla cardientscha e dalla baselgia.
- Preparai per ils s. Sacraments.
- Ad endriescher las fuormas dalla spiritualitad e dalla festivitad.
- A collaborar e festivar las fiastas enteifer gl'onn ecclesiastic.
Engaschaus ein:
Plevon Peter Aregger, Maria Chistell,
Regula Caduff, Alexandru Dan, Ursina Peng.