La lètg
Sche dus carstgauns seconfidan in a l'auter ed empermettan fideivladad
ei quei per els sez e per lur futurs affons in punct culminont e decisiv da lur
veta; per quella decisiun rogan carstgauns cartents per la benedicziun da Diu
el sacrament da lètg, Cletg e ventira dependan dallas circumstanzas, schebein
la cuminonza da viver reussescha e co la veta da famiglia seformescha.
La lètg vegn concludida cun il GIE vicendeivel ch'ils spusai pronunzian
tier l'enzinnada avon il spiritual.
Avon la maridaglia ein spus e spusa envidai da s'exprimer en discuors
persunals (discuors da maridaglia) davart lur cardientscha e la muntada dil
sacrament sco era concernent la formaziun dil survetsch divin.
Enzinnaziuns ecclesiasticas duein vegnir annunziadas baul avunda.