Famiglia e sacraments
Sco cuminonza cristiana sesentin nus sco ina gronda famiglia universala. Gest cun festivar ils sacraments obtegn nossa scuntrada in cun l'auter e cun Diu sia muntada pli profunda.
Dieus vul esser maneivels a nus carstgauns. Tras igl operar da sia
baselgia viventa, specialmein tras ils sacraments, vul el integrar nus adina
pli profund en la cuminonza cun sesez. Surtut situaziuns extremas (sco cuolpa e
greva malsogna), en muments decisivs dalla veta (sco naschientscha, renovaziun
e confirmaziun dalla cardientscha, maridaglia), less Dieus rinforzar nus e
regalar a nus sia grazia. Aschia sentin nus en la sentupada cun Cristus els
sacraments la vischinonza e la carezia da Diu.
"Ils siat sacraments ein ils segns ed ils mieds tras ils quals il sogn
Spért derasa en la baselgia la grazia da Cristus, ch'ei il tgau dalla cuminonza
cristiana." (KKK 774)