L'uncziun dils malsauns
Il sacrament dall'uncziun dils malsauns ei buca da capir mo sco sacrament per moribunds. En vesta alla mort ni en prighel da mort, denton surtut en cass da greva malsogna e mendusadad vul quei sacrament dar confiert e forza al malsaun.
En cass actuals ed urgents ni avon grevas operaziuns eis ei da tut temps indicau da retscheiver quei sacrament. Regularmein celebrein nus l'uncziun dils malsauns enteifer in survetsch divin el temps da cureisma.