L'ordinaziun
Il sacrament digl uorden (ordo) ei in sacrament da treis scalems. Ei dat l'ordinaziun dil diacon, dil spiritual e digl uestg (hierarchia d'ordinaziun). Tut ils auters uffecis e tetels vegnan concedi dalla Baselgia ed indicheschan funcziuns, p.ex. caplon, vicari, plevon, decan (quei ein tuts spirituals), cardinal, papa (quei ein uestgs) ni ch'ei setracta da tetels d'honur (monsignur, prelat).
Il sacrament digl uorden vegn spendius cun tschentar si il maun e far oraziuns. Diacons e spirituals vegn per regla ordinai digl uestg diocesan, ils uestgs vegnan ordinai dad auters uestgs.