S. Messas

Ils suandonts plans liturgics ein provisorics. Ei sa dar da tut temps midadas sche las prescripziuns digl Uffeci federal da sanadad havessan da midar.

 

Falera – fenadur                                         Laax – fenadur

Falera – uost                                                 Laax – uost

Preziadas parochianas, preziai parochians

Tenor las decisiuns digl Uffeci federal da sanadad (BAG) eis ei lubiu da menar atras survetschs divins publics, quei cun respectar las suandontas reglas da cumportament e da higiena:

  • All’entrada vegn plazzau in mied da desinfecziun che duei vegnir duvraus da mintga parochiant avon ch’ir en baselgia.
  • Ils plazs en baselgia ein limitai sin ca. 60 persunas a Falera e ca. 40 persunas a Laax.
    Per evitar che parochians ston vegnir tarmess a casa muort munconza da plaz lein nus supplicar Vus dad era risguardar las messas dils luverdis.
  • Ils plazs da seser vegnan marcai aschia che la distanza prescretta da 2m sa vegnir tenida en. Commembers ord la medema famiglia astgan secapescha seser ensemen el medem baun.
  • La collecta vegn buc rimnada sco usitau duront igl alzar si. Ils parochians san deponer lur unfrenda avon ch’ir ord baselgia els canasters semtgai.
  • La Communiun vegn repartgida mo dil plevon, quei cun ina finiastra da plexiglas denter il plevon ed il parochiant. Ei vegn desistiu sin la Communiun en bucca.
  • Las messas vegnan celebradas senza ministrants e senza cant ecclesiastic.
  • En general valan las prescripziuns digl Uffeci federal da sanadad (BAG).